गल्ती प्रमाणित भए झुण्डिन तयार( प्रचण्ड )

कार्तिक ५ - एमाओवादी अध्यक्ष पुष्पकमल दाहालले १२ बर्षे शसस्त्र युद्धको जिम्मेवारी आफूले लिने बताउँदै गल्ती प्रमाणित भए झुण्डिन तयार भएको अभिव्यक्ति दिएका छन् । गैर आवासीय नेपाली (एनआरएन) को काठमाडौं जारी सम्मेलनमा बोल्दै उनले विद्रोहको बेलामा गरेको प्रत्येक घटनाको जिम्मेवारी लिने बताए

।

'हिजो गरेको गल्तीको छानबिनको लागि सत्यनिरुपण तथा मेलमिलाप आयोगको व्यबस्था गरिएको छ', उनले भने,'गल्ती प्रमाणित भए म झुण्डिनँ तयार छु ।'

सम्मेलनमा समृद्ध नेपालको लागि आर्थिक एजेण्डा बिषयक अन्तक्रिर्यामा मन्तव्यका लागि मञ्चमा पुगेका दाहाललाई सहभागीहरुले सशस्त्र युद्ध, माओवादी लडाकु शिविरमा भएको भ्रष्टाचारलगायत बिषयमा प्रश्न सोधेका थिए ।

कार्यक्रममा दाहालसहित कांग्रेसका शुशिल कोईराला, संघीय समाजवादी पार्टी अध्यक्ष अशोक राईलगायत नेताहरुले समृद्ध नेपालको लागि गैर आवासीय नेपालीहरुको भूमिका महत्वपूर्ण हुने धारणा राखेका थिए ।