करिना भोकै बस्ने नसक्ने

कार्तिक ५ - बलिउड बेबो करिना कपुरको जिरो फिगरमा लोभिनेहरूलाई थाहा नहुन सक्छ कि उनी नखाइकन बस्नै सक्दिनन् । स्लिम बन्नका लागि फास्टिङ गर्ने धेरै भेटिन्छन् । त्यसैले पनि धेरैलाई दुब्ली करिनाका लागि खाना यति महत्त्वपूर्ण होला भनेर विश्वास गर्न गाह्रै  पर्न सक्छ । तर करिना त खानाका लागि यतिसम्म झोडी छन् कि पतिका लागि व्रत बस्ने बारेमा पनि उनको विश्वास छैन ।

'पतिप्रति प्रेम दर्शाउनका लागि भोकभोकै बस्नु जरुरी ठान्दिनँ,' गत वर्षमात्रै नायक सैफअली खानसँग विवाह गरेकी करिनाले थपिन्, 'भोजनबिना म बस्नै सक्दिनँ । किन कि म कपुर हुँ ।' मंगलबारको कर्वा चौथको व्रतबारे मिडियाले धारणा बुझ्न खोज्दा करिनाले  यस्तो प्रतिक्रिया दिएकी हुन् । त्यसो भए उनले चाहिँ कर्वा चौथलाई कसरी मनाउलिन् त ? भन्छिन्, 'भोकै बसेकै भरमा माया गरेको हुन्छ जस्तो मलाई लाग्दैन । त्यसैले पनि म व्रत बस्दिनँ । बरु मज्जाले खाएर, काम गरेर अनि रिलिजका क्रममा

रहेका आफ्ना फिल्मको प्रोमोसनमा जुटेर मनाउनु पर्ला ।'

सन् २००० मा 'रिफ्युजी' खेलेर फिल्मी अभिनयमा छिरेकी करिनाले छोटो समयमै आफ्नो ग्ल्यामर र एक्टिङको जादूले बलिउडकी नम्बर एक नायिका बन्न सफल भइसकेकी छन् । पछिल्ला फिल्म 'हिरोइन' र 'सत्याग्रह' ले सोचेअनुरूप व्यापार गर्न नसके पनि  करिनाको अवस्था भने अझै मजबुत नै देखिन्छ । बिहेपछि पनि उनले आफ्नो सौन्दर्यतालाई कायमै राखेको बेलामा खानाको मामिलामा आफू उदार रहेको टिप्पणीले उनको फिटनेसको रहस्यलाई अझै बढाएको छ