जीप दुर्घटनामा ८ को ज्यान गयो

कार्तिक ५ - पर्वतको लेखफाँट लोप्रेकदेखि म्याग्दी सदरमुकाम बेनी जाँदै गरेको गरेको यात्रुवहाक जीप मंगलबार बिहान  दुर्घटना हुँदा ८ जनाको मृत्यु भएको छ । लेखफाँट गाविस २ खोलाखेत नजिकै सल्लेरीमा बिहान १० बजे ग १ ज ५१२० नम्बरको जीप सडकबाट ३ सय  ५० मीटर तल पल्टेकाे हाे । जीपमा २० जना सवार थिए । १ जना बच्चा सहित ९ जना गम्भीर घाइते भएका छन ।
दुर्घटना भएको जीप क्षत विक्षत भएको उद्धारमा गएका लेखफाँट १ का मोहदत्त सुवेदीले बताए । भीरमा खसेकोले उद्धार गर्न पनि कठिनाइ भएको उनले जानकारी दिएका छन् । घाइते र मृतकको पहिचान भइनसकेको सुवेदीले बताए ।
घटनास्थल मुख्य सडकदेखि टाढा र ग्रामीण क्षेत्रमा पर्छ । उक्त स्थानमा प्रहरी चौकी मिलनचोक र जिल्ला प्रहरी कार्यालयदेखि उद्धार टोली खटाइएको प्रहरी नायव उपरीक्षक श्यामकृष्ण अधिकारीले बताए ।
घाइतेलाई प्रारम्भिक उपचारका लागि बेनी पठाइएको छ भने मृतकको शव उठाउने तयारी भइरहेको छ । लेखफाँट, माँझफाँट लगायतका स्थानीय वासिन्दा, नजिकका प्रहरी चौकीका जवान समेतले घटना स्थलको उद्धार गरिरहेका

छन् ।