नेपाली क्रिकेट टिम सिंगापुरमा भइरहेको एसीसी इमर्जिङ टिम्स कप क्रिकेट खेलेर शुक्रबार घर फर्किएको छ । नतिजाको हिसाबले नेपालका लागि प्रतियोगिता निराशाजनक
रह्यो । खेलेका तीनै खेलमा पराजित
समूह 'ए' मा रहेको नेपाल पहिलो खेलमा अफगानिस्तानसँग ३ रनले चुकेको थियो । दोस्रोमा भारतको यू-२३ टिमसँग ८४ रन र पाकिस्तानको यू-२३ टिमसँग ९ विकेटले पराजित भएको थियो । ट्वान्टी-ट्वान्टी र वान-डे वल्र्डकपमा समेत च्याम्पियन बनिसकेका तथा टेस्ट खेल्ने राष्ट्र भारत र पाकिस्तानसँगको हारले पुबुदु चिन्तित छैनन् । 'तर अफगानिस्तानसँगको हारमा भने मलाई चित्त बुझेको छैन ।
खेलको सम्पूर्ण क्षण हामीले विपक्षीलाई दबाबमा राखेका
थियौं । तर अन्तिममा चार रन आउटले खेल हाम्रो हातबाट फुस्कियो,' नेपाललाई
डिभिजन-४, डिभिजन-३ र एसीसी ट्रफी एलिटको च्याम्पियन बनाएका पुबुदुले भने,'उनीहरूले राम्रो खेलेर जितेका होइनन् । हाम्रो कमजोरीले उनीहरूले जितेका हुन् ।'
श्रीलंका र सिंगापुर यात्राले नेपाली क्रिकेटको स्तर थाहा पाउन मद्दत पुगेको क्यानेडेली प्रशिक्षक पुबुदुले बताए । 'राम्रो टिमसँग खेल्दा एसोसिएट राष्ट्रका खेलाडीले जस्तो खराब बल फ्याल्दैनन् । जसले गर्दा ब्याट्सम्यान आपै+mले मिहिनेत गरेर रन बटुल्न सक्नुपर्छ,' श्रीलंकाली प्रशिक्षक रोय लुक डायसको स्थानमा दुई वर्षअघि नेपाली टिम सम्हाल्न आएका पुबुदुले भने,'त्यसैले हाम्रा खेलाडीलाई रन बटुल्न गाह्रो
भयो ।' युवा खेलाडीहरू अलराउन्ड सागर पुन तथा सिम बलरद्वय अविनाश कर्ण र रामनरेश गिरीको प्रदर्शनदेखि पुबुदु खुसी थिए । पुबुदुले सागर र अविनाशलाई वान-डेमा डेब्यु पनि गराए । रामनरेशले भने श्रीलंकामा भएको अभ्यास खेल खेलेका थिए । 'तीनैले राम्रो गरेका छन्,' पुबुदुले
भने । सागरले भारतविरुद्ध अर्धशतक प्रहार गरेका थिए । वल्र्डकप छनोटअघि नेपालले श्रीलंकाको जस्तै अभ्यासका लागि भ्रमण गर्नुपर्ने पुबुदुले बताए । स्तरीय टिमसँग खेल्दै गए, नेपाली टिमको स्तर पनि बढ्दै जाने र बलियो हुने पुबुदुले दाबी गरे ।
नेपालले नोभेम्बरमा यूएईमा आईसीसी वल्र्ड ट्वान्टी-ट्वान्टीको छनोटमा खेल्नेछ । पुबुदु भने ट्वान्टी-ट्वान्टी र सन् २०१४ को सुरुआतमा हुने वान-डे वल्र्डकप छनोटका लागि टिम तयार गर्न लागिपरेका छन् । भन्छन्,'वान-डे सेटअप खोजिरहेको छु ।' अलराउन्डर प्रदीप ऐरीको खुट्टाको चोट ठीक भए पनि सिंगापुरमा खेलाउन हतार नगरेको पुबुदुले बताए । पुबुदुले वल्र्डकप छनोट नजिकिँदै गएकोमा खेलाडीहरूलाई दुई/तीन दिनमात्र छुट्टी दिएका छन् । 'त्यसपछि हामी फेरि तयारीमा जुट्नेछौं ।'
सिंगापुरमा फरक खेलाडी फरक खेलमा चलेको उल्लेख गर्दै पुबुदुले भने,'एकै खेलमा २/३ ब्याट्सम्यान चल्ने हो भने हामीले बलिया प्रतिद्वन्द्वीलाई पनि हराउन सक्छौं ।' कप्तान पारस खड्काले खेलाडीका लागि राम्रो एक्सपोजर भएको बताए । टिमको क्षमताअनुसार भने प्रदर्शन गर्न नसकेको पारसले बताए । उनले अघि बढ्नका लागि धेरै कुरा थाहा भएको प्रस्ट पार्दै भने,'हामीले ब्याटिङ, बलिङ र फिल्डिङ तीनै पक्षमा सुधार गर्नुपर्छ ।' नेपाललाई चार ठूला अन्तर्राष्ट्रिय उपाधि जिताएका पारसले थपे,'श्रीलंका र सिंगापुरको जस्तो टुर भएमा धेरै कुरा सिकिन्छ ।' उनले वल्र्डकप अघि पनि बाहिर गएर यस्तै अभ्यास गर्नुपर्ने बताए । टिमका अनुभवी खेलाडी शक्ति गौचनले अफगानिस्तानसँगको हारबाहेक यात्रा राम्रो भएको बताए ।
'मेड इन चाइना'
एसियाली क्रिकेट काउन्सिल (एसीसी) ले यस पल्टको इमर्जिङ टिम्स कपमा 'मेड इन चाइना' लेखेको बलले खेलाइरहेको छ । प्रशिक्षक पुबुदुले भने,'बल अरूभन्दा निकै हलुका थियो । टेनिस बल जस्तो बाउन्स हुन्थ्यो ।' त्यही नयाँ प्रकृतिको बलका कारण प्रतियोगितामा कुनै पनि टिमले ठूलो स्कोर बनाउन नसकेको उनले बताए । 'त्यसैले त लो-स्कोरिङ खेल भइरहेको छ,' उनले भने,'छक्का हान्न सामान्य खेलाडीले सक्दैनथ्यो ।'
भारत र पाकिस्तान फाइनलमा
भारतको यू-२३ टिम र पाकिस्तानको यू-२३ टिम सिंगापुरमा भइरहेको एसीसी इमर्जिङ टिम्स कप क्रिकेटको फाइनलमा शुक्रबार पुगेका छन् । भारतले यूएईलाई ४६ रनले हरायो भने पाकिस्तानले श्रीलंकाको यू-२३ टिममाथि १ विकेटको जित निकाल्यो । भारतले पहिले ब्याटिङ गर्दै ४९ ओभर ५ बलमा सबै विकेट गुमाएर २ सय ८ रन
बनायो । जवाफमा यूएई ४८ ओभर ३ बलमा १ सय ६२ रनमा अलआउट भयो ।
श्रीलंकाले पाकिस्तानविरुद्ध पहिले ब्याटिङ गर्दै ७ विकेट क्षतिमा २ सय ३० रन
बनायो । जवाफमा पाकिस्तानले ४९ ओभर ५ बलमा ९ विकेट क्षतिमा २ सय ३२ रन बनायो । फाइनल शनिबार हुँदैछ ।
.jpg)
No comments:
Post a Comment