पहिला पाकिस्तानी टोली भित्रियो

पाकिस्तानी राष्ट्रिय फुटबल टिम साफ च्याम्पियनसिप सुरु हुनु ठीक एक साताअघि शनिबार नै काठमाडौं आइपुगेको छ । साफ खेल्ने सात विदेशी टिममध्ये काठमाडौं ओर्लने पाकिस्तान पहिलो हो ।

सत्र खेलाडी र ३ अफिसियलसहित २० सदस्यीय पाकिस्तानी टिम काठमाडौंको वातावरणमा अभ्यस्त हुन चाँडै आएको जनाएको छ । आयोजक नेपाल, डिफेन्डिङ च्याम्पियन भारत, पूर्वविजेता बंगलादेशसँगै कठिन मानिएको समूह 'ए' मा विजेता बन्दै सेमिफाइनल प्रवेश गर्ने लक्ष्य पाकिस्तानको छ । उसले काठमाडौंमा दुई अभ्यस खेल खेल्ने पनि बताएको छ ।

पाकिस्तानले एक दशकपछि काबुलमा आयोजित मैत्रीपूर्ण खेलमा अफगानिस्तानविरुद्ध ३-० को हार मंगलबार बेहोरेको थियो ।

त्यसको अर्को दिन नै पाकिस्तान फुटबल संघले सर्वियाली प्रशिक्षक जाभिसा मिलोसाव्जेभिचलाई

बर्खास्त गरेको थियो ।