the title

काठमाडौ, श्रावण २९ - त्रिभुवन अन्र्तराष्ट्रिय विमानस्थलमा बारम्बार धावनमार्गको पीच उप्कने समस्या देखिएपछि अख्तियार दुरुपयोग अनुसन्धान आयोगले चासो देखाएको छ । धावनमार्गमा देखिएको समस्या के कारणले भएको हो, यसबारे जानकारी लिन र स्थलगत अवलोकनका लागि बुधबार दिउँसो साढे १२ बजेतिर अख्तियारका अधिकारी विमानस्थल पुग्ने भएका छन् । त्यस्तै मंगलबार यस घटनाका विषयमा बुझ्न विमानस्थल व्यवस्थापन तथा विमानस्थल सुधार आयोजनाका अधिकारीलाई पर्यटन तथा नागरिक उड्डयन मन्त्रालयले  बोलाएको थियो । पर्यटनमन्त्री तथा सचिवलाई दुई निकायले धावनमार्गको अवस्था र समस्या समाधानका लागि भइरहेको कामबारे 'बि्रफ' गराएका थिए ।

विगतमा पनि धावनमार्गमा समस्या देखिएकाले विमानस्थल व्यस्थापन तथा आयोजनाले सम्बन्धित सम्पुर्ण कागजपत्र अख्तियारलाई बुझाईसकेको आयोजना प्रमुख पुण्यराज शाक्यले जानकारी दिए । अबको दुई महिनामा धावनमार्गको दिर्घकालिन समाधान कसरी गर्नेबारे स्पेनीस कम्पनीले प्रतिवेदन दिने उनले बताए । 'अहिले लगातार पानी परिरहेकाले अस्थायी मर्मतबाहेक अरु काम गर्न सकिदैन,' उनले भने । एउटै धावनमार्ग भएकाले वर्षा सकिएपछि चरण-चरण गरेर कम्पनीले दिएको प्रतिवदेनका आधारमा काम थालिने उनले जानकारी दिए ।

पीच उप्कने समस्या धावनमार्गको दक्षिण भागमा बढी देखिएको छ । जुन सन् १९६५ तिर बनेको हो । यो क्षेत्रमा पानी बग्ने 'सब सर्फ ड्रेनेज' नभएकाले पनि बढी उप्किने गरेको उनले बताए । 'समस्या आउनुको अर्को कारण बोइङ ७७७ र एयरबस ३४० जस्ता जहाज आउनु पनि हो,' उनले भने 'यसबारे जिम्मेवार निकायलाई जानकारी गराएपनि गम्भिर रुपमा लिइएन ।' अब सुधार गरेर पुर्ण रुपमा नयाँ र बलियो धावनमार्ग नबन्दासम्म ठुला जहाजको सट्टा साना प्रयोग गर्न विमानकम्पनीहरुलाई आग्रह गर्नुपर्ने उनले बताए ।  

'३०/४० वर्ष पुरानो धावनमार्ग ७५७ सम्मको जहाजका लागि बनाइएको थियो,' शाक्यले थपे 'त्यतिबेला अन्र्तराष्ट्रिय उडान गर्ने जहाजको उडान/अवतरण दिनको ५/६ पटक हुन्थ्यो । अहिले ७० को हाराहारीमा छ । यस्तोमा समस्या देखिन्छ नै ।' विमानस्थलको धावनमार्ग पीच उप्कने समस्या साउन शुरु भएयता देखिन थालेको थियो । साउन १९ गते पीच उप्केकैले एकै दिन २ पटक विमानस्थल बन्द भएपछि घटना सार्वजनिक भएको हो । त्यसयता लगातार यो समस्या आइरहेको छ । गत सोमबार पनि दुई पटक  पीच उप्कियो । आन्तरिक र अन्तर्राष्ट्रिय गरी दैनिक झण्डै ३ सय उडान/अवतरण हुने विमानस्थलको धावनमार्ग मर्मत तथा निर्माणको जिम्मा पछिल्लो पटक चीनीयाँ कम्पनी सिआरइसी र नेपाली टुन्डी कन्स्ट्रक्सनले पाएका थिए । सन् २०१० को मध्यदेखि झण्डै एक वर्ष लगाएर कम्पनीले