ज्योति भवनमा आगलागी

जमलस्थित ज्योति भवनमा शुक्रबार बिहान आगलागी भएको छ । हिरो मोटरसाईकलको शो रुम माथिको फ्लोर(पहिलो र दोस्रो तल्ला)मा आगो लागेको थियो । आगलागीको कारण खुल्न सकेको छैन । ५ वटा दमकल र सुरक्षा निकायहरुको सक्रियतामा बिहान करिब पौने ८ बजे लागेको आगो एक घण्टा भित्र नियन्त्रणमा आएको थियो ।
त्यस भवनमा नेपाल बैंक लिमिटेडको कान्तिपथ शाखा, ग्राण्डी हस्पिटल लगायत विभिन्न कार्यालय तथा शो रुमहरु छन् । सुरक्षाकर्मीले भवनमा फंसेका अस्पातलका कर्मचारीलाई झ्लायलबाट उद्धार गरेको थियो । समयमै दमकल र सुरक्षा निकाय सक्रिय भएकाले आगो नियन्त्रण भएको हो । आगलागीले जमलको कान्तिपथ क्षेत्रका वासिन्दा त्रसित भएका छन् । 
राससका अनुसार आगलागीबाट बैंकका अधिकांश कागजात, फर्निचरलगायत अन्य सरसामग्री जलेर नष्ट भएका छन् । बैंकको नगद लकर र अति महत्वपूर्ण कागजात भने सुरक्षित रहेको बुझिएको छ । आगो नियन्त्रणका लागि काठमाडौं, ललितपुर र भक्तपुरका बारुणयन्त्रका अतिरिक्त नेपाली सेना र नेपाल प्रहरीका खानेपानी टयाङ्कीहरूसमेत प्रयोग गरिएको थियो । क्षतिको पूर्ण विवरण भने आउन बाँकी नै छ ।
-