सन्नी लियोनी भनाइ एडल्ट फिल्म खेल्न छोडिसकेँ"

कार्तिक ६ - भारतीय रियालिटी टिभी सो 'बिग बोस' को छैटौं संस्करणमा निम्त्याइएकी एक सदस्य सनी लियोनीले त्यस बेला ठूलो चर्चा पाइन् । कारण थियो उनको परिचय । एडल्ट फिल्म नायिकालाई 'बिग बोस' मा भित्र्याएपछि त्यसले सांस्कृतिक विचलन ल्याउने अड्कलसहित विरोधका स्वर चर्किए । तर सनीलाई भारतले विरोध गरे पनि बलिउडले भने स्वागत गर्‍यो । पूजा भट्टले उनलाई 'जिस्म २' मा खेलाइन् । यति बेला तीन-तीन फिल्म 'टिना एन्ड लोलो,' 'रागिनी एमएमएस २' र 'ज्याकपट' मा व्यस्त सनीले आफूले पूर्व पेसालाई त्यागिसकेको दाबी गरेकी छन् ।

'एडल्ट फिल्म खेल्ने विचार त मैले बिग बोसको घरमा छिर्ने भएपछि नै त्यागिसकेकी हुँ' तर उनी भने एडल्ट फिल्म खेल्दाको इतिहासले आफूलाई कहिल्यै पछुतो नहुने पनि जिकिर गर्छिन् । 'एडल्ट फिल्म खेलेर मलाई कुनै पछुतो छैन । ती फिल्म नखेलेको भए मैले आजको स्थानमा आउने पनि थिइनँ ।' उनले एडल्ट फिल्म खेल्ने बारेमा परिवारलाई समेत जानकारी गराएको र पतिको त साथ सहयोग नै मिलेको अनुभव पनि सुनाउँछिन् ।

विगतबारेमा गुनासो नभए पनि यति बेला भने सनी आफ्नो परिचय बदल्न खुब लागिपरेकी छन् । क्यानाडाकी सनी यति बेला मुम्बईमै बस्नका लागि घरको खोजीमा छिन् । छोटो समयकी पाहुना मान्दै आएको बलिउडका लागि सनीले विश्वास दिलाउन भनिन्, 'पतिसँगै बस्नका लागि यहीं घर किन्न खोज्दै छु भने म किन फर्किन्छु

र ?' त सनीले आफूलाई बच्चाबच्ची जन्माएर परिवारसाथ बस्ने इच्छा पनि रहेको बताएकी छन् । उनले आफूलाई घृणा गर्नेको भन्दा माया गर्नेको संख्या बढिरहेको बताउँदै भारतमा पश्चिमा मुलुकमा जस्तो पोर्न फिल्म उद्योग सम्भव नभएको पनि ठान्छिन् । 'यहाँका मान्छे परम्परागत छन् । पोर्न फिल्म लुकिछिपी हेर्छन् होला तर यसको मतलब उनीहरू यस्ता फिल्म व्यावसायिक रूपमै बनुन् भन्नेचाहिँ चाहँदैनन् । पश्चिमा मुलुकमा पनि तपाइर्ंले सोचेजस्तो समाज त्यति उदार पनि छैन जहाँ खाना खाँदा पनि सेक्सबारेमा कुरा होस् ।