चक्रेले जेलभित्र पनि चलखेल

भदौ १ । गुण्डा नाइके भनेर चिनिने चक्रे मिलनका विषयमा जेलमा चलखेल भएको रहस्य खुलेको छ ।

केन्द्रीय कारागारमा जेल भुक्तान गर्दै आएका उनलाई शिक्षण अस्पताल पठाउन कारागार प्रशासनले नियम मिचेर चलखेल गरेको खुल्न आएको हो ।

जेलका कैदीलाई वीर अस्पताल लैजाने गरिएको भएपनि चक्रेलाई भने उनकै इच्छा अनुसार शिक्षण अस्पताल पठाइएको अनुसन्धानमा खुल्न आएको आजको नयाँ पत्रिकाले खबर छापेको छ ।

महानगरीय प्रहरी आयुक्त कार्यालयले गरेको छानविनमा जेल प्रशासनको कमजोरी भेटिएपछि दोषी प्रहरीलाई कारबाहीको सिफारिस गरिएको छ ।

चक्रेले जेलमै बाहिरबाट साथीहरु बोलाएर जन्मदिनको पार्टी दिएको तथा प्रहरी अधिकारीले फोटो खिचेको घटनाको सम्बन्धमा गठन गरिएको छानबिन समितिले जेलाका सुरक्षा प्रमुख डिएसपी रमेश खड्काको समेत अनुगमनको कमजोरी रहेको औँल्याएको छ ।

यो विषयमा तपाईको धारणा राख्नुहोस्